„Þetta er einfaldasta súkkulaðikaramella allra tíma, í henni eru aðeins þrjú hráefni,“ segir á heimasíðunni Veggie and the Beast en þaðan kemur þessi girnilega uppskrift. Þessa karamella mun slá í gegn hvar og hvenær sem er.
Innihald:
- 3 bollar súkkulaðibitar
- 3/4 bollar kókosmjólk
- 2 matskeiðar kókosolía
Og til að bragðbæta má nota sjávarsalt, hnetukurl eða kókosflögur svo dæmi séu nefnd.
Aðferð:
- Settu súkkulaðibitana í stóra skál.
- Blandaðu kókosmjólkinni og kókosolíunni saman á litla pönnu og láttu sjóða á meðan þú hrærir í blöndunni reglulega.
- Helltu heitri blöndunni svo yfir súkkulaðibitana og láttu standa í um tvær mínútur. Þá skaltu hræra í blöndunni.
- Settu form í lítil muffinsmót. Helltu svo karamellublöndunni í formin. Karamellan ætti að henta í um 24 litla bita.
- Að lokum er sjávarsalti eða einhverju öðru bragðgóðu stráð yfir karamelluna. Láttu karamelluna svo kólna inni í ísskáp í tvo til þrjá klukkutíma, eða í frysti í eina klukkustund þar til karamellan hefur harðnað.
Gerist ekki einfaldara.
www.veggieandthebeastfeast.com