Tortillaskálar með tígrisrækjum og avókadó
Rétturinn er ekki bara bragðgóður heldur lítur hann einstaklega vel út.
Ljósmynd/ ljufmet.com
Setja bókamerki
„Rækjurnar hurfu eins og skot af borðinu og fóru svakalega vel með köldum bjórnum. Frábær smáréttur í saumaklúbbinn eða sem forréttur í matarboði,“ skrifar Svava á matarbloggið sitt Ljúfmeti og lekkerheit áður en hún deilir með lesendum sínum uppskrift af tortillaskálum með grilluðum tígrisrækjum, avókadó og sýrðum rjóma.
Hráefni
- 1 poki tígrisrækjur frá Sælkerafiski (14 rækjur í pokanum)
- 1/2 dl Thai Sauce Peanut & Coconut sósa frá deSIAM
- litlar tortillaskálar
- sýrður rjómi
- lime
- avokadó
- ferskt kóriander
- salt
Aðferð
- Látið rækjurnar þiðna í ísskáp, skolið þær síðan og þerrið vel. Látið rækjurnar í skál og hellið sósunni yfir þær.
- Látið standa í 30 mínútur. Þræðið rækjurnar upp á spjót og grillið.
- Setjið sýrðan rjóma í botn á tortillaskál.
- Skerið avókadó í smáa bita og kreistið limesafa yfir.
- Setjið nokkra avókadóbita yfir sýrða rjómann.
- Skerið tígrisrækjuna í tvennt og setjið yfir. Stráið fersku kóriander og góðu salti yfir og berið strax fram.
Afar girnilegur réttur sem bragðast vel með léttum bjór.
Ljósmynd/ ljufmet.com
„Okkur miðar í rétta átt“
Æskuvinur Íslendings myrtur í Noregi
Skiptir miklu meira máli en fólk grunar
Handteknir eftir myndatöku í Vesturbæjarlaug
„Á réttri leið en nokkuð í land ennþá“
Tveir í bílnum sem lenti utan vegar
Árshátíð ríkislögreglustjóra haldin í Tékklandi