„Undanfarnir dagar hafa verið brjálæðislega annasamir. Það er svo furðulegt hvernig þetta getur verið, það koma tímabil sem eru róleg og svo fer allt á fullt. Nú er allt á fullu og þá skiptir öllu að skipuleggja dagana vel. Í gær voru átta manns hér í mat og ég gerði mér auðvelt fyrir og grillaði teriyaki-kjúkling sem ég bar fram með steiktum hrísgrjónum. Svo brjálæðislega gott! Þetta er fullkominn réttur til að bjóða upp á, hvort sem tíminn er knappur eða ekki. Kjúklingurinn er settur í marineringu kvöldið áður og þar sem ég notaði kjúklingalundir þurftu þær bara örskamma stund á grillinu,“ skrifar Svava á matarbloggið sitt Ljúfmeti og lekkerheit um meðfylgjandi uppskrift. Fullkominn helgarréttur.

Teriyaki kjúklingur

• 1 poki kjúklingalundir frá Rose Poultry (700 g)
• 1 flaska Teriyaki marinade frá Blue Dragon (150 ml)
• safi úr 1 sítrónu
• 2 pressuð hvítlauksrif
• 1 tsk sesamolía
• 1 tsk hunang

Blandið saman teriyaki marinade, sítrónusafa, hvítlauksrifum, sesamolíu og hunangi í skál. Skolið og þerrið kjúklingalundirnar og setjið í hreinan plastpoka (t.d. stóran nestispoka af rúllu). Hellið marineringunni yfir og blandið vel saman við kjúklinginn. Lofttæmið pokann og geymið í ísskáp í 20-24 klst.

Kjúklingurinn á grillinu, girnilegt! www.ljufmet.com

Tengdar fréttir

Uppskriftir

Grillspjótin sem hafa slegið í gegn

• Pítsa er ekki bara pítsa, það veit Árni
• Heimabakaða Brioche brauð að hætti Lindu Ben
• Fiskibollur í karrísósu á einfalda mátann
• Langbesta Hollandaise-sósan

» Fleiri tengdar fréttir

• Blogga um frétt