Kjúklingapasta í hvítlauksrjómasósu

Einfaldur og ljúfur penne pasta réttur.
Einfaldur og ljúfur penne pasta réttur. Ljósmynd/grgs.is

„Hér er á ferðinni einfaldur og ljúfur penne pastaréttur með kjúklingi, sólþurrkuðum tómötum og bræddum mozzarellaosti í hvítlauksrjómasósu,“ segir Berg­lind Guðmunds­dótt­ir hjúkrunarfræðingur og mat­ar­blogg­ari á Gulur, rauður, grænn og salt.

Kjúklingapasta með mozzarella og sólþurrkuðum tómötum

  • 3 hvítlauksrif, pressuð
  • 1 krukka sólþurrkaðir tómatar
  • 500 g kjúklingabringur, t.d. frá Rose Poultry
  • salt
  • paprikuduft
  • 240 ml matreiðslurjómi
  • 110 g rifinn mozzarellaostur
  • 250 g pasta, t.d. penne pasta
  • 1 msk þurrkað basil
  • ¼ tsk rauðar piparflögur
  • sjávarsalt

 Aðferð 

  1. Eldið pastað samkvæmt leiðbeiningum og þegar það er tilbúið geymið 120 millilítra af pastavatninu þar til síðar.
  2. Takið sólþurrkuðu tómatana úr olíunni og steikið á pönnu ásamt hvítlauknum í um 1 mínútu. Takið af pönnunni.
  3. Skerið kjúklingabringurnar í litla bita kryddið með paprikukryddi og salti og steikið á pönnunni. Skerið sólþurrkuðu tómatana í litla bita og bætið þeim saman við kjúklinginn.
  4. Setjið rjómann og mozzarellaostinn saman við og hitið að suðu. Lækkið þá hitann og hrærið stöðugt í eða þar til osturinn hefur bráðnað. Þynnið sósuna með því að bæta pastavatninu saman við.
  5. Bætið pasta út á pönnunna og kryddið með basil, chilíflögum og saltið að eigin smekk. Berið fram með salati og góðu brauði.
Sólþurrkaðir tómatar.
Sólþurrkaðir tómatar.
mbl.is
Fleira áhugavert
Fleira áhugavert