„Hvað er betra en nýbakaðar vöfflur og heimalöguð sulta? Mmmm...“ segir á heimasíðunni lifrænt.is. Meðfylgjandi er uppskrift af „vegan“ vöfflum og rifsberjahlaupi.

„Vegan“ vöfflur

• 4 dl spelt - fínt og gróft til helminga
• 2 tsk vínsteinslyftiduft
• 2 tsk sítrónusafi
• 2 tsk vanilla
• 1 tsk kardemomma
• 3 1/2 - 4 dl möndlumjólk eða vatn önnur jurtamjólk.
• 4 msk kókosolía eða ólífuolía
• nokkur sjávarsaltkorn

Aðferð: Blandið þurrefnum saman. Hrærið vökvanum saman við ásamt fljótandi kókosolíu eða ólífuolíu. Gott er að láta deigið bíða smá stund í kæli áður en bakað er úr því. Gefur u.þ.b. 6 stk.

Rifsberjahlaup

• 750g rifs á stilkum
• 250g kókospálmasykur eða lífrænn hrásykur

Aðferð: Setjið í stóran pott. Látið malla á vægum hita á meðan þið kremjið berin með sleif og sykurinn leysist upp. Látið svo suðu koma upp og sjóðið í ca. 5 mín. Hellið í gegnum sigti og skellið hlaupinu í heitar tandurhreinar krukkur. Látið standa og kólna aðeins áður en krukkurnar eru settar í kæli.

©Sverrir Vilhelmsson

Tengdar fréttir

Uppskriftir

10 bestu hamborgararnir í tilefni sumardagsins fyrsta

• Af hverju að búa til granóla?
• Bragðmikill og ljúffengur fiskréttur með pestó og bræddum osti
• Ferskt og brakandi sumar-tacos með sumarsalsa
• Salat vikunnar kemur úr leyndardómsfulla eldhúsinu í Húsó

» Fleiri tengdar fréttir

• Blogga um frétt