Hermann Þór Marinósson matreiðslumaður kenndi mér að útbúa hina fullkomnu kalkúnafyllingu. Ég get staðfest að hún er gómsæt.
40 g smjör
2 stk. vorlaukur
1 stilkur sellerí
1 grein ferskt rósmarín
1 grein ferskt estragon
1 tsk. estragon
1 epli
1 pera
Aðferð:
Þetta er allt flysjað og skorið í litla teninga og jurtirnar saxaðar fínt. Blandað saman með bræddu smjöri og 2 msk. af matarolíu.
400 g súrdeigsbrauð (fæst í betri bakaríum) skorið í litla teninga og blandað saman við fyllinguna.
250 g sætar kartöflur, flysjaðar og skornar í netta teninga. Þær eru bakaðar við 180 gráður í 16 mínútur áður en þær fara í fyllinguna.
4 msk. olívuolía
2 msk. salvía
salt og pipar eftir smekk
Sojahnetur
50 g herslihnetur
50 g pekanhnetur
50 g valhnetur
2 msk. sojasósa
3 msk. púðursykur
Aðferð:
Hneturnar eru ristaðar við 180 gráður í 10 mínútur. Sojasósan og púðursykurinn eru soðin saman og þegar hneturnar koma úr ofninum fara þær beint í pottinn. Þetta er sett á smjörpappír og kælt við stofuhita. Mulið niður eða sett heilt út í fyllinguna.
1 greipaldin, hýðið er skorið í burtu og kjötið skorið í litla teninga.
2 egg
Aðferð:
Þessu er síðan öllu blandað vel saman. Hægt er að setja ½ fyllinguna í matvinnsluvél ef þið viljið hafa hana fínni og blanda henni saman við hitt þá er hún orðin aðeins fínni.
HÉR er hægt að horfa á Hermann gera fyllinguna.