Eyðir þú allt of miklu í mat og ertu þessi týpa sem hendir helmingnum af því sem þú kaupir inn? Ef þú vilt ekki eyða öllum peningunum þínum í mat skaltu halda áfram að lesa. 

Forðastu að grípa eitthvað með þér þegar þú stendur í röðinni

Þið langaði hugsanlega ekki í tyggjó, eða gos, fyrr en þú sást það fyrir framan þig þar sem þú stóðst í röðinni. Ef þú átt til að kippa sömu tímaritunum með þér heim er líklega ódýrara að fjárfesta í áskrift.

Ekki versla þegar þú ert svöng/svangur
Ekki aðeins kaupir þú líklega meira af óþarfa, heldur munt þú að öllum líkindum kaupa óþarflega mikið af óhollum mat og sælgæti.

Skoðaðu hvað aðrar verslanir hafa upp á að bjóða
Ef þú verslar alltaf í sömu versluninni veistu ekki hvað aðrar búðir hafa upp á að bjóða. Það getur borgað sig að bregða út af vananum og prufa að gera innkaupin í nýrri verslun.

Gerðu kostnaðaráætlun
Ef þú ert ekki með kostnaðaráætlun er líklegra að þú eyðir um efni fram. Það er mun auðveldara að forgangsraða ef þú hefur ákveðið hversu miklu þú ætlar að eyða í mat á mánuði eða viku.

Haltu þig við innkaupalistann
Skrifaðu innkaupalista og haltu þig við hann. Með því móti er ólíklegra að matur, sem þú hefur enga þörf fyrir, lendi í ruslinu.

Gerðu verðsamanburð
Þetta kann að hljóma einfalt, en neitendur venja sig stundum á að kaupa sömu vörumerkin án þess að athuga hvað sambærilegar vörur kosta.

Kauptu í magni
Það getur verið gott að kaupa vörur sem þú notar mikið í magnpakkningum. Gakktu þó úr skugga um að varan nýtist, annars gætir þú allt eins verið að henda peningum út um gluggann.

Kíktu í skápana áður en þú verslar
Taktu stöðuna á birgðunum áður en þú verslar í matinn. Með því móti er ólíklegra að þú kaupir vöru sem rennur út og lendir í ruslinu áður en þú getur notað hana.

Gefðu frosnu grænmeti gaum
Frosnir ávextir, og grænmeti, geymast ekki aðeins mun lengur en ferskmeti, heldur er jafnan mun ódýrara að versla frosna vöru.

Gerðu áætlun
Ef þú átt það til að henda mat sem orðinn er útrunninn getur verið gott að skipuleggja sig fram í tímann. Vendu þig á að gera áætlun, vikumatseðil eða að elda í stórum skömmtum sem duga þér í nokkra daga.

Gefðu niðursoðnum fisk tækifæri
Það getur verið kostnaðarsamt að kaupa ferskan fisk. Þess vegna er tilvalið að nýta sér niðursoðinn fisk, sem kostar mun minna en sá ferski. Það má til dæmis vel galdra fram hinn fínasta mat með túnfisksdós að vopni.

Skiptu próteininu út
Margir geta ekki hugsað sér kvöldmat án þess að bjóða upp á kjöt og kartöflur. Það má þó vel útbúa staðgóða máltíð úr baunum, sem eru sérlega seðjandi og mun ódýrari kostur en kjöt.

Nýttu afganga
Vendu þig á að nýta afgangana. Þú munt bæði spara pening, auk þess sem það er betra fyrir náttúruna að nýta öll þau hráefni sem þú kaupir til fullnustu.

 Fleiri góð ráð má lesa á vefsíðunni Self. 

Tengdar fréttir

Hagsýni

Náði að draga úr matarkostnaði um 20 prósent

• 10 sniðugustu sparnaðarráðin í dag
• Kærastan á kúpunni, hvað er til ráða?
• Konur sem fundu fjárhagslegt frelsi
• Fyrsta brúðkaup Katrínar Middleton

» Fleiri tengdar fréttir

• Blogga um frétt