Sólveig Eiríksdóttir og dóttir hennar, Hildur Ársælsdóttir, halda úti uppskriftasíðunni Mæðgurnar, þar sem þær deila hollum og góðum uppskriftum með lesendum. Uppskriftin að þessum dásamlega súkkulaði- og kókosís er frá mæðgunum.
Mæðgurnar eiga ísvél sem hægt er að fá á góðu verði í búsáhaldabúðum. Í vélinni hræra þær reglulega ísblönduna á meðan hún er að frjósa og þannig er komið í veg fyrir að ísnálar myndist í ísnum. Einnig er hægt að frysta ísinn beint í form en þá hjálpar til að taka formið út nokkrum sinnum og hræra aðeins í blöndunni við og við á meðan ísinn er að frjósa. Áferðin verður öðruvísi en bragðið helst hið sama.
Þessi ís er „vegan“ og geta því allir notið hans.
1 dós kókosmjólk (coconut cream)
2 frosnir bananar
2 msk hreint kakóduft
50 g hlynsíróp eða önnur sæta
1 tsk vanilluduft
smá cayennepipar
50 g dökkt súkkulaði (70%, helst fairtrade), gróft rifið