Alvöru nautasteik

Hráefni
» 1 stk. nautalund lítil
» 15 ml olía
» 30 g smjör
» 2 greinar timijan (garðablóðberg)
» 1 geirar hvítlaukur
» Sveppasósa
» 10 stk. sveppir
» 40 g smjör
» 350 ml rjómi
» 40 g rjómaostur
» 15-20 ml hvítvínsedik
» Salt og pipar
» Ofnbakaður blaðlaukur
» 2 stk blaðlaukur
» 100 g vatn
» 50 g smjör
» 10 g kjúklingakraftur
» bragðbætt með hvítlaukur, steinselja, salt og pipar

Fyrir 4 - 6

Nautakjöt klikkar ekki blóðrautt eða gegnumsteikt, hver steikir það eftir sínum smekk. Meðlætið getur verið einfalt eins og smjörsteiktur laukur í rjómasósu með kryddsmjöri eða fínni útgáfa meistarakokksins.

Aðferð

Nautalundin er hreinsuð. Bundin upp, söltuð og pipruð. Steikt á mjög heitri pönnu með olíu og smjöri. Steikið vel á öllum hliðum (1-2 mín. á hverri hlið). Sett í ofnskúffu með garðablóðbergi, olíu og hvítlauk. Setjið loks í ofn á 160°C í 8-10 mín. Takið út og látið hvíla í 10 mín. Skorið í þykkar sneiðar og stráð salti í sárið.

Sveppirnir eru skornir í sneiðar. Steiktir á pönnunni sem nautið var steikt úr. Svo bætt rjóma og rjómaosti. Soðið niður um 1/3. Smakkað til með hvítvínsediki, salti og pipar.

Blaðlaukurinn er skolaður og skorinn í 6-8 cm langa bita. Allt nema steinseljan sett í eldfast mót. Bakað á 160°c í 25-35 mín. Velt upp úr saxaðri steinselju.

Þessi uppskrift er notuð í Mínútusteik með kryddsmjöri og lauk

Meðlæti

Mínútusteik með kryddsmjöri og lauk

Hráefni
» 300 g nautasteik
» 1 stk. laukur
» Olía til steikingar
» Maldon-salt og pipar
» 100 g smjör
» 1 stk. skalottlaukur
» 1 stk. hvítlauksgeirar
» lítið búnt graslaukur og eða steinselja
» 1/2 stk. sítróna, safi, 1 tsk sinnep
» Salt og pipar

Fyrir 2

Það verður ekki betra en íslenskt smjör með fersku kryddi - hvað þá ofan á safaríka mínútusteik.

Aðferð

Hitið ofninn í 180 gráður og bakið kartöfluna í 50 til 60 mínútur. Þerrið kjötið og látið það ná stofuhita á meðan kryddsmjörið er lagað. Hitið pönnuna vel með olíu og snöggsteikið steikina í 2 mín. á hvorri hlið en takið af rétt um það leyti sem steikin byrjar að svitna í gegnum steikarskorpuna. Leyfið steikinni að hvíla í um 10 mín.

Kryddsmjör
Skerið smátt skalottlauk, ásamt hvítlauk og graslauk og steinselju. Hrærið smjörið í skál eða hrærivél og kreistið safann úr sítrónunni út í. Bætið fínt skornum lauk og kryddjurtum út í skálina. Saltið og piprið eftir smekk. Rúllið upp í plastfilmu eða smjörpappír. Geymið í kæli eða frysti.

Íslensk kjötsúpa

21.6.2009 Veitingastaðir eru byrjaðir að setja gömlu kjötsúpuna í sparifötin með því að setja bleika meyra kjötbita í súpuna. Þetta er súpa sem allir þekkja, hver með sínu nefi, og er eina skilyrðið; íslenskt lambakjöt og íslenskt grænmeti Meira »

Bakaðir lambaskankar í leirpotti

28.9.2009 Það er ekki amalegt að gæða sér á steiktum lambaskönkum og nýju rótargrænmeti þegar haustar á Fróni.  Meira »

Seðjandi svínasíða

20.7.2009 Íslensk svínarækt hefur þróast mikið á síðustu áratugum og úrvalssvínakjöt er nú í boði allt árið. Neysluvenjur neytenda hafa breyst og er nú svo komið að svínakjöt er einna vinsælasta kjöttegundin enda hagkvæm í innkaupum og spennandi í ýmsa rétti. Meira »

Folaldasneiðar með tómat og kryddolíu

19.10.2009 Folaldakjöt er meyrt og gott svo bráðnar í munni. Margrét Sigfúsdóttir skólastjóri í Hússtjórnarskólanum sýnir okkur fljótlega aðferð við eldun á folaldafile. Meira »

Kjúklingur í karrý

19.10.2009 Gamli stíllinn Hægt er að nota kjúklingabringur í staðinn fyrir heila kjúklinga ef maður er að elda fyrir fáa.  Meira »

Kjúklingasalat með malt-kryddlegi, berjum og villtum blómum

3.8.2009 Það er ekki svo langt síðan Íslendingar fóru að borða kjúkling og fyrir nokkrum áratugum var hann aðeins til hátíðarbrigða. Nú er kjúklingur á allra borðum, stundum oft í viku. Meira »

Klassísk íslensk kjötsúpa

27.1.2010 Hér er gamla kjötsúpan gerð að hætti sannra matgæðinga sem vilja þetta eins og amma gerði súpuna.  Meira »

Hangikjötsþynnur með ferskum jurtum og sætum berjagljáa

31.8.2009 Hangikjötið er mikill hátíðarmatur. Hefðirnar á bak við verkun þess eru mjög fjölbreyttar og oftast aldagamlar. Margir neytendur hafa sterkar skoðanir á hangikjöti og vilja að það sé verkað á ákveðinn hátt eða upprunnið í ákveðnum landshluta. Meira »