Heilsteiktur lambaskrokkur

Hráefni

» 1 stk. lambaskrokkur

» Fullt af hvítlauk

» Nokkrar greinar rósmarín

» Nokkrar greinar garðablóðberg

» Salt og pipar

» 1 dós rabarbarasulta

Fyrir 15 - 30

Það er ævintýri líkast að heilsteikja kjötskrokka í góðu veðri með vinum og kunningjum. Heila kjötskrokka er hægt að fá með fyrirvara í flestum kjötborðum. Einn meðal lambaskrokkur er hæfilegur fyrir 25-30 manna veislu.

Aðferð

Látið kolin rjúka og verða hvít. Stingið lítil göt á skrokkinn og setjið hvítlaukinn í ásamt blóðberginu og rósmaríninu. Saltið og piprið. Grillið með því að snúa nær stanslaust í 3-4 tíma eða þar til kjötið er komið í um 60°c í kjarna. Mikilvægt er að staðsetja fitugildrur í kolunum svo ekki kvikni í grillinu. Leggið t.d. nokkur lítil einnota bökunarform úr áli undir skrokkinn og hellið örlitlu af vatni í þau. Í upphafi, þegar grillið er sem heitast og fitan að leka af lambinu, er upplagt að pensla kjötið með vatni eða pilsner til þess að ekki kvikni í því.
 
Penslið rabarbarasultu á kjötið síðustu mínúturnar fyrir skurð.

Þessi uppskrift er notuð í Pönnukökur fylltar með afgangskjöti og fíflasírópi

Meðlæti