Steikt lambalifur með sætum kartöflum og mangó

Hráefni

» 800gr Lambalifur

» 2stk Sætar kartöflur

» 2stk Laukar

» 1stk Vel þroskað mangó

» 1stk Chillipipar

Fyrir 4

Aðferð

Lifrin snyrt og skorin í sneiðar, þerruð á eldhúspappír og sett til hliðar. Sætar kartöflur skornar í sneiðar og brúnaðar á pönnu, settar í eldfast form og eldaðar í ofni í 10 mín á 180°c. Laukur skorinn í grófa teninga og svitaður í olíu, mangó skorið í teninga og bætt í ásamt söxuðum chili. Svitað í 2-3 mínútur og síðan er 2 dl af vatni hellt yfir og soðið í 3 mín, smakkað til með salti, pipar og ögn af ediki. Lifrin brúnuð á heitri pönnu og síðan kláruð á pönnunni á hálfum hita undir loki í 3-4 mínútur. Ath að lifur þarf skamma eldun og má illa við ofeldun.