Heilhveitipönnukökur með hangikjötskurli

Hráefni

» 100 g heilhveiti

» 2 egg

» 400 g rjómaostur

» 2 búnt graslaukur

» 400 g fitulítið hangikjöt

» 500 ml mjólk

» 25 g bráðið smjör

» eftir þörfum salt og pipar

Fyrir 4

Aðferð

Blandaðu saman heilhveiti, eggjum, mjólk og smjöri. Láttu
deigið hvíla í 30 mín.
Bakaðu deigið á pönnukökupönnu. Úr því verða u.þ.b. sex
þunnar pönnukökur.
Hangikjötið er svo skafið eða hakkað.
Hrærðu ostinn þangað til hann verður mjúkur og vel
meðfærilegur, bættu þá í helmingnum af graslauknum og
hangikjötskurlinu, kryddaðu með pipar og salti ef þarf.
Leggðu pönnuköku á disk og smyrðu hangikjötskurlinu og
ostinum á þannig að það þeki alla pönnukökuna. Leggðu
því næst aðra pönnuköku ofan á og koll af kolli þangað til
þú hefur klárað allar pönnukökurnar.
Smyrðu hliðarnar á tertunni með osti og þrýstu graslauk í
ostinn þannig að hann hylji vel.
Berðu pönnukökutertuna fram með t.d. grænu salati og
súrsætum rauðrófu- og gulrófuteningum.

_{(Uppskrift úr Eldum íslenskt með Kokkalandsliðinu Ný bók)}