Ítalskt brauð með pesto og parmigiano osti

Hráefni

» 600 g hveiti

» 4 tsk. (1 bréf) þurrger, sléttfullar

» 1-1/2 dl mjólk, ylvolg

» 1 tsk. lyftiduft, sléttfull

» 3 msk. sykur, sléttfullar

» 1 tsk. salt, sléttfull

» 70 g smjör

» 1-1/2 dl vatn, ylvolgt

» 1 stk. egg

» 4 msk. pestómauk (grænt), sléttfullar

» 60 g parmigiano ostur

» ögn pesto til að pensla brauðið fyrir bakstur

Aðferð

Hrærið þurrgerið út í ylvolga mjólkina, látið standa í 5 mínútur.

Blandið öllum þurrefnum saman í hrærivélarskálina með hnoðaranum. Bætið síðan í mjólkinni með gerinu, vatni, smjöri, eggi og pesto. Hnoðið í 5 mín. á lægsta hraða. Takið úr skálinni, mótið deigið í langt snittubrauð og skerið í 15-20 sneiðar, um 2 cm þykkar (u.þ.b. 40 g hverja). Setjið á smurða bökunarplötu og skerið lauslega ofan í hvern hleif. Látið hefast við stofuhita í 20 mínútur.

Penslið síðan með pesto og leggið litla sneið af parmigiano osti ofan á hvern hleif. Þegar deigið er sett í heitan ofninn er 1 dl af vatni skvett í ofnbotninn og honum síðan lokað. Bakið í 20 mínútur við 200°C.

Einnig er hægt að skipta deiginu í tvennt og baka tvö 500 g snittubrauð eða eitt stórt brauð (1 kg). Snittubrauðin þurfa að hefast í 30 mínútur og bakast í 25-30 mínútur við 200°C. Eitt stórt brauð hefast í 35 mínútur og bakast í aðrar 35 mínútur við 200°C.