Beikon- og ólífubrauð

Hráefni

» 650 g hveiti

» 4 tsk. þurrger, sléttfullar (1 bréf)

» 1 tsk. lyftiduft, sléttfull

» 2 tsk. salt, sléttfullar

» 75 g smjör

» 1-1/2 dl mjólk, ylvolg

» 1-1/2 dl vatn, ylvolgt

» 150 g beikon í strimlum, þurrsteikt og hakkað

» 70 g svartar ólífur, sneiddar

» 70 g gænar ólífur, sneiddar

» 1 stk. egg

» 100 g parmigiano ostur

Aðferð

Hrærið gerið saman við ylvolga mjólkina, látið standa í fimm mínútur. Öllum þurrefnum blandað saman með hnoðaranum. Bætið öllum vökva saman við ásamt eggi og beikoni og ólífum. Hnoðið deigið í 5 mín. Takið úr skálinni, mótið í snittubrauð og skerið síðan í 2 cm þykkar sneiðar (hleifa). Þetta ættu að verða 15-20 hleifar, um 40 g á þyngd. Látið hefast í 20 mínútur við stofuhita. Stráið rifnum parmigiano osti yfir brauðið og bakið við 200°C í 20 mínútur. Skvettið 1 dl af vatni í ofninn um leið og baksturinn hefst.

Einnig er hægt að skipta deiginu í tvennt og baka tvö 500 g snittubrauð eða eitt stórt brauð (1000 g). Snittubrauðin þurfa að hefast í 30 mínútur og bakast í 25-30 mínútur við 200°C, eitt stórt brauð á að hefast í 35 mínútur og bakast í aðrar 35 mínútur við 200°C.