Sesambrauð

Hráefni

» 600 g hveiti

» 4 tsk. þurrger, sléttfullar (eitt bréf)

» 1 tsk. lyftiduft, sléttfull

» 3 msk. sykur, sléttfullar

» 1 tsk. salt, sléttfull

» 75 g smjör

» 1-1/2 dl mjólk, ylvolg

» 1-1/2 dl vatn, ylvolgt

» 1 stk. egg

» 200 g sesamfræ, léttbrúnuð á þurri pönnu

Aðferð

Leysið gerið upp í ylvolgri mjólk. Látið standa í 5 mínútur. Öllum þurrefnunum blandað saman með hnoðara. Bætið út í gerblöndu, vatni, smjöri, sesamfræjum og eggi. Hnoðið í fimm mínútur. Deigið tekið úr skálinni og mótað í 15-20 tveggja cm þykkar sneiðar (hleifa). Sett á smurða plötu, tvær rákir skornar í hvern hleif. Látið hefast við stofuhita í 20 mínútur og bakið í aðrar 20 mín. við 200°C. Skvettið einum dl af vatni í botninn á ofninum þegar baksturinn hefst.

Einnig er hægt að skipta deiginu í tvennt og baka tvö 500 g snittubrauð eða eitt stórt brauð (1000 g). Snittubrauðin þurfa að hefast í 30 mínútur og bakast í 25-30 mínútur við 200°C, eitt stórt brauð þarf að hefast í 35 mínútur og bakast í aðrar 35 mínútur við 200°C.