Kúmen ostabrauð

Hráefni

» 500 g hveiti

» 3 tsk. þurrger, sléttfullar

» 1 tsk. lyftiduft, sléttfull

» 4 msk. sykur, sléttfullar

» 1 tsk. salt, sléttfull

» 70 g smjör

» 2 dl mjólk, ylvolg

» 1 dl súrmjólk, ylvolg

» 1 stk. egg

» 4 msk. kúmen

» 150 g kúmenostur

Aðferð

Bleytið gerið upp í volgri mjólk og látið standa í nokkrar mínútur. Blandið þurrefnum saman í hrærivélarskál. Bætið gerblöndu, súrmjólk, mýktu smjöri og eggi saman við. Allt hnoðað þar til deigið er laust frá skálinni. Takið deigið úr skálinni, mótið í 2 cm þykkar sneiðar (15-20 stk., um 40 g hver hleifur), leggið á smurða bökunarplötu, skerið tvær raufar í hvern hleif og látið hefast við stofuhita í 20 mínútur.

Leggið sneið af kúmenosti ofan á hvern hleif áður en bakað er í 20 mínútur við 200°C. Skvettið einum dl af vatni í botninn á ofninum þegar baksturinn hefst.

Einnig er hægt að skipta deiginu í tvennt og baka tvö 500 g snittubrauð eða eitt stórt brauð (1 kg). Snittubrauðin þurfa að hefast í 30 mínútur og bakast í 25-30 mínútur við 200°C, eitt stórt brauð á að hefast í 35 mínútur og bakast í aðrar 35 mínútur við 200°C.