Brauð með nautakjötsstrimlum og sinnepi

Hráefni

» 4 stk. brauðsneiðar, stórar

» 400 g nautakjötsstrimlar (úr hrygg eða snitzel)

» 3 msk. dijon sinnep

» 4 stk. belgbaunir

» 1 stk. paprika, rauð

» 12 stk. sykurbaunir

» 8-10 stk. cherrytómatar

» 1/3 stk. blaðlaukur

» 1 haus lambhagasalat

» 4 msk. matarolía til steikingar

» 4 msk. graskersfræ

» salt og svartur pipar

» Djúpsteiktur blaðlaukur

» 100 g blaðlaukur

» olía til djúpsteikingar

» Sinneps- og edikssósa (vinaigrette)

» 1/2 dl appelsínusafi

» 1/2 dl hvítvínsedik

» 1/2 tsk. hunang

» 4 msk. estragon, ferskt, saxað

» 1 stk. hvítlauksrif, saxað

» 2 msk. dijon sinnep

» 1 dl matarolía

» salt og svartur pipar úr kvörn

Fyrir 4

Aðferð

Léttbrúnið graskersfræin á heitri, þurri pönnu. Leggið til hliðar. Skerið blaðlaukinn í strimla og djúpsteikið. Leggið einnig til hliðar og látið drjúpa af.

Hitið olíuna vel á pönnu og snöggsteikið nautakjötsstrimlana. Takið af pönnunni og hrærið sinnepinu saman við strimlana. Setjið 1-2 msk. af sósu á disk og leggið brauðsneiðarnar þar í. Leggið lambhagasalatið yfir brauðsneiðarnar.

Skerið belgbaunir, sykurbaunir og papriku í strimla, cherrytómatana í tvennt, blaðlaukinn í sneiðar. Léttsteikið grænmetisstrimlana, blandið saman við tómatahelmingana og setjið á salatblöðin. Dreifið kjötstrimlunum þar ofan á, brúnuðum graskersfræjum í kring og djúpsteiktum blaðlauk efst.

Öllu blandað vel saman í matvinnsluvél. Látið standa í 4 klst. fyrir notkun.