Djúpsteikt grænmeti á laufsalati

Hráefni

» 2 hausar Lollo Rosso

» 1/2 haus jöklasalat

» 8 msk. möndluspænir

» Djúpsteikt grænmeti

» 2-3 stk. rauðrófur

» 100 g blaðlaukur

» 1/2 stk. seljurót

» 1 stk. kúrbítur

» Sítrónusósa

» 2 dl matarolía

» 2 msk. sítrónusafi

» 2 dl hvítvínsedik

» 1/2 dl appelsínusafi

» 1 tsk. sítrónubörkur, fínt rifinn

» 2 stk. skalotlaukur

» 1 stk. hvítlauksrif

» salt og pipar

Fyrir 4

Aðferð

Stingið möndlunum inn í snarpheitan ofn (200°C) og brúnið í u.þ.b. 10 mínútur. Leggið jöklasalatið á disk, fyllið með rifnu Lollo Rosso og hvítlaufssalati í strimlum. Sósunni hellt yfir og djúpsteikta grænmetið lagt þar yfir. Brúnuðum möndlum dreift yfir.

Rauðrófurnar afhýddar með hníf og síðan sneiddar í flögur með ostaskera, kúrbíturinn sömuleiðis. Blaðlaukurinn er skorinn í 10 cm langa bita og síðan í grófa strimla. Flysjið seljurótina, skerið í sneiðar með ostaskeranum. Setjið hverja grænmetistegund í skál og saltið, látið standa í 10 mínútur. Skolið síðan vel, þerrið og djúpsteikið þar til það fær fallega gullinn lit.

Blandið öllu saman og látið standa í 3-4 tíma fyrir notkun.

Gróft brauð hentar vel með þessu salati.