Kjúklinga- og rækjusalat með djúpsteiktum núðlum

Hráefni

» 600 g kjúklingabringur, beinlausar

» 20 stk. risarækjur, pillaðar

» 500 g eggjanúðlur

» olía til djúpsteikingar

» Marinering

» 4-6 msk. ostrusojasósa

» 3 stk. hvítlauksrif, söxuð

» 1 msk. kóríanderfræ

» 1 tsk. engifer, saxaður

» 1-2 msk. maizenamjöl

» Blandið öllum efnunum vel saman í skál.

» Litríkt grænmetissalat

» 1/2 haus jöklasalat

» 1 bakki baunaspírur

» 100 g sykurbaunir

» 2 stk. paprika, rauð og gul

» 1 stk. kúrbítur

» 50 g hjartahnetur (cashewhnetur)

» 50 g furuhnetur

» Chili-sojasósa

» 2 msk. sojasósa, sæt

» 4 msk. sesamfræ

» 2 msk. kjúklingachilisósa (Sweet Chili for Chicken)

» 2 msk. síróp (Maple Syrup)

» 2 stk. hvítlauksrif

» 2 msk. sítrónusafi

» 1 dl hvítvínsedik

» salt og pipar úr kvörn

Fyrir 4

Aðferð

Kjúklingurinn skorinn í strimla, u.þ.b. 1x5 cm, og marineraður með rækjunum í 4-6 tíma. Látið renna vel af bitunum og leggið í maizenamjöl til að þurrka. Gætið þess að ekki sé of mikil marinering á rækjunum og kjúklingabitunum, það gæti myndað of þykkan hjúp. Djúpsteikið kjúkling og rækjur í 2 mínútur. Leggið á smjörpappír og haldið heitu.

Núðlurnar lagðar í léttsaltað sjóðandi vatn í 4 mín. Hellt í sigti, vatnið látið renna af. Núðlurnar eru síðan djúpsteiktar í fjórum hlutum, svo þær mynda einskonar net þegar þær eru teknar uppúr og lagðar á hvern disk.

Grænmetið saxað, öllu blandað saman og lagt yfir djúpsteiktu núðlurnar. Rækjurnar og kjúklingurinn þar ofaná. Léttbrúnið hnetur og möndluspæni á þurri, heitri pönnu og stráið yfir salatið. Sósunni skvett yfir.

Öllu blandað saman. Sósan látin standa í 1-2 tíma fyrir notkun.

Kúrbítur er sneiddur eftir endilöngu með ostaskera ...

... og síðan skorinn í strimla.