Pönnugrillað tófú með papriku og rauðkáli

Hráefni

» 500 g tófú, skorið í 4x4 cm bita

» matarolía til steikingar

» Marinering

» 3 msk. matarolía

» 2 msk. sojasósa

» 1 msk. kóríanderlauf, söxuð

» 1 tsk. engifer, saxaður

» 1-2 tsk. hvítlauksduft

» Hrærið saman og látið standa í 3-4 tíma fyrir notkun.

» Rauðkálssalat

» 200 g rauðkál

» 100 g sykurbaunir

» 1-1/2 stk. paprika (t.d. rauð, gul og græn)

» 50 g hjartahnetur (cashewhnetur), brúnaðar á pönnu

» Djúpsteiktir blaðlauksstrimlar

» 100 g blaðlaukur

» olía til djúpsteikingar

» Kóríandersósa

» 1-1/2 dl matarolía

» 1-1/2 dl hvítvínsedik

» 1 dl appelsínuþykkni

» 2 msk. ostrusojasósa

» 1 tsk. hvítlauksduft

» 4 msk. kóríanderlauf, söxuð

» salt og pipar úr kvörn

Fyrir 4

Aðferð

Leggið tofú-bitana í marineringuna í 1 klst.

Tófú er síðan steikt á pönnu í 4-5 mínútur (æskilegt er að nota grillpönnu, þá koma fallegar grillrákir í bitana). Haldið heitu. Kryddað með salti og pipar úr kvörn eftir smekk. Berið fram með rauðkálssalati og kóríandersósu.

Skerið sykurbaunir, papriku og rauðkál í strimla. Sjóðið sykurbaunirnar í 3-5 mínútur í léttsöltu vatni. Kælið og blandið saman við önnur hráefni. Sett á miðjan disk. Steikt tófú lagt að salatinu og sósunni hellt yfir. Skreytt með djúpsteiktum blaðlauk.

Öllu blandað saman, látið standa 2-3 tíma fyrir notkun.

Gott gæti verið að dreifa 1 msk. af marineringunni yfir réttinn.