Agúrku- og baunaspírusalat með reyktum laxi

Hráefni

» 600-800 g reyktur lax í sneiðum

» 1 stk. agúrka

» 12 stk. cherrytómatar

» 1 bakki baunaspírur

» 1 haus Lollo Rosso

» 2 stk. hvítlaufssalat (endívur)

» 1 haus eikarlauf

» 4 msk. graslaukur

» 8 msk. furuhnetur

» 8 msk. hjartahnetur (cashewhnetur)

» Hvítlauks- og balsamedikssósa

» 2 dl balsamedik

» 2 dl matarolía

» 2 stk. hvítlauksrif, söxuð

» salt og pipar

Fyrir 4

Aðferð

Rífið niður laufsalat og baunaspírur, skerið hvítlaufssalatið í sneiðar, setjið allt í skál. Léttbrúnið hneturnar á heitri, þurri pönnu. Agúrkurnar flysjaðar (t.d. með ostaskera) og síðan skornar í sneiðar. Cherrytómatarnir skornir í tvennt. Laxasneiðarnar skornar í bita. Blandið öllu saman við salatið og stráið graslauknum yfir þegar salatinu hefur verið skipt á diska. Hellið sósunni yfir. Stráið léttbrúnuðum hnetum yfir salatið um leið og það er borið fram.

Hrærið vel saman ediki, olíu og söxuðum hvítlauk. Kryddið með salti og pipar. Þessa sósu má bera fram strax en hvítlauksbragðið verður fyllra eftir því sem hún stendur lengur, t.d. í sólarhring í ísskáp.

Agúrkan afhýdd ...

... og sneidd með ostaskera.