Kjúklingalifur með hindberjaedikssósu

Hráefni

» 250 g kjúklingalifur

» 2 stk. kjúklingabringur, beinlausar

» 150 g spínatlauf, fersk (eða frosin)

» 200 g skalotlaukur

» 3 msk. ólífuolía

» 1 msk. smjör

» salt og svartur pipar úr kvörn

» Salat

» 1 stk. rauðlaukur

» 2 stk. tómatar

» 100 g strengjabaunir

» 1-2 hausar Lollo Rosso

» 1 stk. hvítlaufssalat (endívur)

» 20 stk. hindber, fersk

» Hindberjaedikssósa (vinaigrette)

» 1 dl hindberjasaft

» 1-1/2 dl rauðvínsedik

» 2 msk. graslaukur

» 50 g hindber, ný, maukuð

» 1 dl kjúklingasoð (eða vatn og 1/2 teningur)

» salt og pipar úr kvörn

Fyrir 4

Aðferð

Skerið kjúklingabringurnar í strimla og steikið í olíu í tvær mínútur. Skerið lifrina í strimla eða litla bita og bætið á pönnuna í aðrar tvær mínútur, brúnið vel. Bragðbætt með salti og nýmöluðum svörtum pipar. Tekið til hliðar og haldið heitu. Saxið spínat og skalotlauk, steikið í smjörinu, kryddið með salti og pipar. Haldið einnig heitu.

Skerið tómatana í tvennt, hreinsið innan úr þeim með skeið og skerið síðan í strimla. Skerið af báðum endum strengjabaunanna og sjóðið þær í 3 mínútur í léttsöltu vatni. Kælið og blandið síðan saman við salatið. Rífið salatið, skiptið á diska og setjið kjúklingastrimlana og lifrarbitana í kringum salatið ásamt ferskum hindberjum. Hellið sósunni yfir.

Kælið soðið og blandið síðan saman við önnur efni. Pískið vel saman.

Ef ekki fást hindber má nota t.d. jarðarber eða brómber í staðinn og í sama magni.