Salat með kjúklinga- og grísakjötstrimlum

Hráefni

» 1 stk. kjúklingabringa, stór, beinlaus

» 300 g svínasnitzel

» 1 bakki baunaspírur

» 100 g sveppir

» 2 msk. sojaolía til steikingar

» salt og pipar úr kvörn

» Salat

» 1 haus eikarlaufssalat

» 1 haus rauðlaufssalat (radicchio)

» 1 haus frise salat

» 4 msk. sólblómafræ

» 4 msk. heilt hveiti

» 2 stk. appelsínur

» 2 stk. greipaldin, rauð

» Timianedikssósa (vinaigrette)

» 1 msk. kjúklingachilisósa

» 1 dl matarolía

» 1 dl hvítvínsedik

» 1 dl appelsínusafi, ferskur

» 1 tsk. timian

» salt og pipar úr kvörn

Fyrir 4

Aðferð

Skerið kjötið í strimla og veltið því upp úr sojaolíunni, kryddið með salti og pipar úr kvörn. Steikið síðan strimlana á snarpheitri pönnu í 2-3 mínútur. Takið af og haldið heitu. Skerið sveppi í sneiðar og léttsteikið með baunaspírum á pönnu í 2 msk. af sojaolíu. Kryddað með salti og pipar. Haldið heitu með kjötstrimlunum.

Sólblómafræin og heila hveitið léttbrúnað á heitri, þurri pönnu, látið kólna. Rífið salatið niður og blandið saman. Skiptið á diska og leggið kjötstrimlana þar yfir ásamt sveppasneiðum og baunaspírum. Edikssósunni hellt yfir og síðan brúnuðum sólblómafræjum og heila hveitinu. Afhýðið að síðustu greipaldin og appelsínur og setjið nokkur lauf á hvern disk með salatinu. Miðað er við þurrkað timian. Ef til er ferskt þarf 2 tsk.

Blandið öllum efnum í skál og pískið saman.

Appelsína/greipaldin afhýdd með beittum hníf.

Skerið aldinkjötið frá ...

... og skreytið hvern disk.