Lárperu- og laxabaka

Hráefni

» Botn

» 150 g hveiti

» 75 g heilhveiti

» 50 g smjör eða smjörlíki

» 1 stk. egg

» 1/2 tsk. salt

» 1/2 dl vatn

» Fylling

» 300 g reyktur lax, skorinn í strimla

» 1 stk. hvítlauksrif, saxað

» 150 g spínat

» 1 msk. basil, ferskt, saxað

» 1 stk. rauðlaukur

» 2 msk. sojaolía

» 2 stk. tómatar

» 2 stk. lárperur (avocado)

» 4 stk. egg

» 1 tsk. sítrónusafi

» 2 dl rjómi

» 100 g mozzarellaostur, rifinn

» salt og pipar úr kvörn

Fyrir 6

Aðferð

Botninn: Hnoðið vel saman í hrærivélarskálinni þar til deigið hefur samlagast vel, ljúkið þá við að hnoða í höndunum. Setjið í plastfilmu og hvílið í kæli í 2-3 klst. Fletjið síðan út á borði og leggið í eldfast mót, 24-26 cm. í þvermál. Þrýstið vel að köntunum og skerið afgangs deig frá þegar fyllingin er komin í.Fyllingin: Skerið rauðlauk í strimla og steikið í olíu með spínati og hvítlauk. Látið kólna. Lárperur skornar til helminga og steinninn fjarlægður, lárperukjötið tekið innan úr hýðinu með skeið og skorið í sneiðar. Blandið þessu nú saman við laxastrimlana, tómata í sneiðum og annað grænmeti og leggið í deigið. Pískið saman rjóma, egg, sítrónusafa og krydd, hellið yfir fyllinguna og stráið mozzarellaostinum þar yfir. Bakið við 190°C í 40-45 mín. Berið fram heitt eða kalt með fersku grænmetissalati.

Deigið lagt í formið og fyllingin ofan á.

Hornin brotin inná bökuna, parmesanostur og beikonsneiðar lagðar yfir.

Tilbúið til baksturs.