Pastarör með hörpuskel á teini

Hráefni

» 600 g hörpuskel

» 8 stk. grillpinnar, stuttir

» 3 msk. ólífuolía til steikingar

» 2-3 msk. hveiti

» salt og svartur pipar úr kvörn

» 350 g pastarör (cannelloni)

» 3 l vatn, léttsaltað

» 1-2 msk. ólífuolía (út í vatnið)

» Meðlæti

» 3 stk. hvítlauskrif, stór (eða risahvítlauksrif)

» 1 stk. rauðlaukur

» 4 msk. fururhnetur, létt brúnaðar

» 8 msk. hjartahnetur (cashewhnetur), létt brúnaðar á þurri, heitri pönnu

» 1/2 haus jöklasalat

» 250 g radísur

» 2 msk. ólífuolía til steikingar

» Balsamedikssósa

» 2 dl balsamedik

» 2 dl matarolía

» 1 stk. stórt hvítlauksrif (eða risahvítlauksrif), saxað

» 1 dl kjúklingasoð (vatn og teningur/kraftur)

» salt og svartur pipar úr kvörn

Fyrir 4

Aðferð

Pastað soðið í 15 mín. og síðan kælt. Veltið hörpuskelinni upp úr hveiti og þræðið upp á pinnana, ætlið tvo pinna á mann. Steikið í olíu á snarpheitri pönnu í 1-2 mínútur, kryddið með salti og pipar. Tekið til hliðar og haldið heitu.

Saxið hvítlauk og rauðlauk, brúnið lauslega á pönnu, blandið síðan saman við brúnaðar furuhnetur og hjartahnetur, rifið jöklasalat og sneiddar radísur. Blandið grænmetinu saman við heitt pastað. Skiptið á diska og setjið grillpinnana með skelfiskinum ofan á. Berið sósuna fram með í skál.

Blandið öllum efnum saman í skál, pískið vel. Berið fram strax.