Svart tagliatelle með humri og risarækju

Hráefni

» 20 stk. humarhalar, skelflettir að sporði

» 20 stk. risarækjur, skelflettar að sporði

» 4 msk. ólífuolía til steikingar

» salt og pipar úr kvörn

» 375 g tagliatelle (t.d. svart)

» 1-2 msk. ólífuolía í suðuvatnið

» Estragonrjómasósa

» 100 g skalotlaukur

» 1 tsk. karrý, sléttfull

» 3 msk. ólífuolía

» 1 dl hvítvín, óáfengt

» 4 dl humarsúpa

» 2 dl rjómi

» 4 msk. estragon, ferskt (eða 2 msk. þurrkað)

Fyrir 4

Aðferð

Steikið humar og risarækju í heitri olíu í 1-2 mínútur. Leggið til hliðar. Kryddið með salti og pipar. Sjóðið pastað í 5-6 mínútur í léttsöltu vatni (setjið 1-2 msk. af ólífuolíu í vatnið). Takið úr suðupottinum og skolið vel af með vatni. Setjið heitt á miðja diska. Raðið humri og risarækju í kring, hellið sósu yfir og skreytið með estragonblöðum.

Skerið skalotlauk niður og kraumið glæran í olíu. Bætið karrý út í og síðan hvítvíni. Sjóðið niður. Bætið þá humarsúpu, rjóma og estragoni saman við og sjóðið þar til sósan þykknar. Kryddið með salti og pipar.