Pastahjól með kjúklingaleggjum og smokkfiski

Hráefni

» 250 g pastahjól (ruoti)

» 2 l vatn, létt saltað

» 1-2 msk. ólífuolía út í vatnið

» 200 g smokkfiskur

» 8 stk. kjúklingaleggir

» 2 msk. olía til penslunar

» 4-5 sneiðar beikon

» 6 msk. ólífuolía til steikingar

» salt og svartur pipar úr kvörn

» Grænmetismeðlæti

» 1 stk. paprika, rauð (eða blanda af rauðri, gulri og grænni)

» 1 stk. kúrbítur (zucchini)

» 4 msk. ólífuolía til steikingar

» salt og svartur pipar úr kvörn

» 100 g blaðlaukur

» olía til djúpsteikingar

» Fersk tómat- og paprikusósa

» 100 g tómatar

» 2 stk. paprika, rauð (200 g)

» 1 stk. skalotlaukur

» 2 stk. hvítlauksrif

» 2 dl kjúklingasoð (vatn og teningur/kraftur)

» 4 msk. tómatsósa

» 1 tsk. rósmarín

» 1 dl hvítvínedik

» 1 dl matarolía

» salt og pipar úr kvörn

Fyrir 4

Aðferð

Sjóðið pastað í léttsöltu vatni með 1-2 msk. af olíu. Skolið vel og kælið. Brúnið kjúklingaleggina á pönnu, kryddið með salti og svörtum pipar. Ofnsteikið síðan í 12-14 mínútur við 200°C. Snöggsteikið beikonið. Skerið smokkfiskinn eftir endilöngu, fletjið út og skáskerið í hann raufar, fyrst langsum, síðan þversum. Skerið síðan í 2 cm breiða strimla eftir endilöngu. Snöggsteikið í olíunni af beikoninu. Takið nú beikon og smokkfisk af pönnunni og haldið heitu.

Skerið grænmeti í teninga. Hitið pönnuna á nýjan leik og snöggsteikið grænmetisteningana ásamt pastanu. Kryddað með salti og pipar. Skiptið jafnt á diska og leggið tvo kjúklingaleggi á hvern disk ásamt beikoni og smokkfiski.

Djúpsteikið blaðlaukinn þar til hann hefur brúnast fallega. Látið drjúpa af honum á servíettu, saltið lítið eitt og leggið yfir hvern disk.

Allt sett í matvinnsluvél, maukað í 2 mínútur. Borið fram strax.

fjarlægðir.

útflattann, fyrst langsum ...

... og síðan þversum.