Svínakjötsstrimlar með engifer og hrísgrjónum

Hráefni

» 600-800 g svínakjötsstrimlar (t.d. úr snitzel)

» 1 dl sojasósa, sæt

» 1 dl matarolía

» 2-3 msk. maizenamjöl

» olía til djúpsteikingar

» Hrísgrjónakökur

» 250 g basmati hrísgrjón

» 4 msk. matarolía

» 6 dl kjúklingasoð (1 Knorr-teningur í 1/2 l af vatni)

» 1-2 stk. skalotlaukur

» 1 stk. fennikka

» Meðlæti

» 100 g sykurbaunir

» 4 stk. vorlaukar

» Rósmarínsósa

» 100 g appelsínumarmelaði

» 1/2 dl sojasósa

» 2 dl kjúklingasoð (vatn og teningur)

» 1 msk. rósmarín

» börkur af 1/2 appelsínu, rifinn

Fyrir 4

Aðferð

Pískið saman soja og olíu. Leggið svínakjötsstrimlana í löginn og látið standa í 2-3 tíma. Veltið upp úr maizenamjöli og djúpsteikið í 2-3 mínútur. Haldið heitu.

Skerið lauk og fennikku í strimla. Léttsteikið með hrísgrjónum (brúnið ekki). Bætið kjúklingasoðinu saman við og látið sjóða undir loki í 20 mínútur. Maukið þriðjung af grjónunum í matvinnsluvél, blandið síðan saman við hin grjónin og leggið í skál eða lítið form. Hvolfið á disk og dragið síðan formið/skálina varlega upp.

Sjóðið sykurbaunir og vorlauk í léttsöltu vatni eða kjúklingasoði í 1 mínútu. Leggið yfir svínakjötsstrimlana sem settir eru kringum hrísgrjónakökuna með reglulegu millibili.

Allt sett yfir til suðu og soðið í 3-4 mínútur. Hellt á milli svínakjötsstrimlana.

Þennan rétt má einnig pönnusteikja.

Hrísgrjónunum þrýst vel niður í formið og það dregið upp ...

... eftir situr fallega mótuð hrísgrjónakakan.