Saffrangrjón með risarækjum og smokkfiski

Hráefni

» 40 stk. risarækjur (með sporði)

» 300 g smokkfiskur

» 3 msk. ólífuolía

» salt og svartur pipar úr kvörn

» Saffrangrjón

» 250 g hrísgrjón

» 6 dl kjúklingasoð (eða vatn og teningar/kraftur)

» 4 stk. bufflaukar

» 1 g saffran

» 4 msk. ólífuolía til steikingar

» Meðlæti

» 8 stk. spergill, grænn

» 1 bakki smámaís

» 100 g sykurbaunir

» 1 stk. gulrót, stór

» 3 msk. ólífuolía til steikingar

» 1 dl kjúklingasoð (vatn og Knorr-teningur)

» Saffransósa

» 2 dl hvítvín, óáfengt

» 1 dl kjúklingasoð (vatn og teningur)

» 3 dl rjómi

» 100 g laukur, saxaður (innan úr bufflauknum)

» 1 g saffran

» salt og pipar úr kvörn

Fyrir 4

Aðferð

Risarækjurnar snöggsteiktar í ólífuolíunni og bragðbættar með salti og pipar úr kvörn. Leggið til hliðar og haldið heitum. Smokkfiskurinn er skorinn endilangt og flattur út. Í hann eru skornar grunnar raufar langsum og þversum (það kemur í veg fyrir að hann herpist saman á pönnunni). Síðan er hann skorinn í 2 cm breiða strimla og steiktur á snarpheitri pönnu í 2 mínútur.

Afhýðið bufflaukana. Skerið síðan ofan af þeim og neðan og þrýstið innmatnum út. Saxið hluta af því (um 100 g) og léttsteikið með hrísgrjónum og saffranþráðum, án þess að brúna. Sama skal gert við smokkfiskinn og risarækjuna. Setjið smokkfisk og bufflauk á pönnuna, bætið soðinu saman við og látið sjóða undir loki í 20 mínútur. Þegar því er lokið eru hrísgrjónin sett ofan í laukana og þeir bornir fram með smokkfisknum, risarækjunum og grænmetinu.

Sneiðið spergil, skerið smámaís og sykurbaunir í strimla, gulrót í teninga. Allt grænmetið léttsteikt í olíu á pönnu eða potti. Kjúklingasoðinu bætt saman við og soðið í 1-2 mínútur.

Laukurinn er létt steiktur, ekki brúnaður. Bætið hvítvíni og kjúklingasoði á pönnuna, soðið niður um 3/4. Saffran og rjóma er síðan bætt útí. Þegar rjóminn hefur þykkt sósuna er hún bragðbætt með salti og pipar úr kvörn og síðan sett með skeið í kringum laukana.

Þrýstið innri hluta lauksins út með þumalfingri.

Laukringirnir tilbúnir til eldunar.