Villigrjónakaka með tómat og parmesan

Hráefni

» 250 g hrísgrjónablanda (Basmati & Wild frá Tilda)

» 1 stk. laukur

» 4 dl kjúklingsoð (vatn og Knorr-teningur)

» 1 dós tómatar, niðursoðnir (400 g)

» 1 tsk. timian

» 1 tsk. rósmarín

» 2 stk. hvítlauksrif

» 4 msk. matarolía

» Meðlæti

» 4 msk. matarolía

» 100 g spínat, ferskt (stilkurinn slitinn af)

» 1 stk. rauðlaukur

» 1 stk. bufftómatur

» salt og svartur pipar úr kvörn

» 60 g parmesanostur, rifinn

» Rauðvínsedikssósa (vinaigrette)

» 1 msk. púðursykur

» 1 stk. laukur, saxaður

» 2 msk. balsamedik

» 1 dl rauðvínsedik

» 1 dl matarolía

» 2 stk. tómatar

Fyrir 4

Aðferð

Léttsteikið hrísgrjón í olíu, bætið söxuðum lauk, hvítlauk, timian, niðursoðnum tómötum, rósmarín og kjúklingasoði saman við. Sjóðið í 20 mín. við vægan hita. Maukið helminginn af grjónunum í matvinnsluvél og blandið síðan saman við grjónin í pottinum. Skiptið í fjögur form eða víða bolla, þjappið og hvolfið í eldfast form. Dragið formin upp.

Brúnið saxaðan rauðlauk og spínat í olíu, kryddið varlega með salti og pipar. Skerið bufftómatinn í fjóra hluta og leggið eina bufftómatsneið á hverja hrísgrjónaköku, spínat og saxaðan rauðlauk þar ofan á, stráið parmesanosti yfir. Ofnbakið við 180°C í 3-4 mín. eða þar til osturinn er fallega gullinn.

Skerið tómatana í strimla. Allt hráefni er pískað saman að undanskildum tómatstrimlunum. Þeim er bætt út í sósuna eftir á. Hellið sósunni yfir rétt áður en rétturinn er borinn fram.

Helmingur soðnu hrísgrjónanna maukaðar í matvinnsluvél.

Hér má sjá allt ferlið eftir að hrísgrjónablandan er komin í form.