Hrísgjón með mango chutney og grænmeti

Hráefni

» 250 g basmati hrísgrjón

» 1 stk. rauðlaukur

» 6 dl grænmetissoð (vatn og Knorr-teningur)

» salt og pipar úr kvörn

» 4 msk. ólífuolía til steikingar

» Meðlæti

» 8 stk. grænn aspas

» 1 bakki baunir, spíraðar

» 3 stk. paprika, blandaðir litir

» 1 stk. kúrbítur (zucchini), grænn

» 1 stk. eggaldin

» 4 stk. belgbaunir

» 1 tsk. estragon

» 1 dl mango chutney, sterkt

» 1/2 dl matarolía til steikingar

» Djúpsteikt eggaldin

» 1 stk. eggaldin

» olía til djúpsteikingar

» salt

Fyrir 4

Aðferð

Léttsteikið hrísgrjón og saxaðan rauðlauk í olíu, brúnið ekki. Bætið soðinu saman við og sjóðið við vægan hita í 20 mínútur.

Skerið neðan af aspasnum og flysjið neðst. Saxið annað grænmeti og steikið í olíu þar til það er mjúkt. Bætið þá kryddi og mango chutney saman við. Blandið síðan hrísgrjónunum saman við grænmetið í skál.

Sneiðið aldinið þunnt og djúpsteikið þar til það er fallega gullið á litinn. Skerið í stykki, saltið og raðið ofan á grænmetis- og hrísgrjónablönduna.