Sesamhrísgrjón með kjúklingaleggjum

Hráefni

» 12 stk. kjúklingaleggir

» 6 msk. maizenamjöl

» 12 msk. sesamfræ

» 3 dl sojasósa, sæt

» 4 msk. ólífuolía

» Hrísgrjónablanda

» 250 g villigrjónablanda (Basmati & Wild frá Tilda)

» 6 dl kjúklingasoð

» 1 stk. laukur

» 4 msk. matarolía

» Djúpsteikt grænmeti

» 2 stk. rauðrófur

» 1-2 stk. kúrbítur (zucchini)

» 1/2 stk. blaðlaukur

» olía til djúpsteikingar

Fyrir 4

Aðferð

Pískið saman ólífuolíu, maizenamjöl, sæta sojasósu og sesamfræ. Veltið kjúklingaleggjunum upp úr blöndunni og ofnsteikið við 200°C í 15 mín. Berið fram með hrísgrjónablöndu, djúpsteiktu grænmeti og sætri sojasósu.

Léttsteikið hrísgrjón og saxaðan lauk í olíu, brúnið ekki. Bætið soðinu saman við og sjóðið við vægan hita undir loki í 20 mínútur.

Sneiðið rauðrófur og kúrbít þunnt, blaðlaukinn í grófa strimla. Djúpsteikið hverja grænmetistegund fyrir sig. Grænmetið sett á stykki eftir djúpsteikingu og olían látin drjúpa af því. Salti er stráð yfir grænmetið og því blandað saman. Það er svo sett á hrísgrjónablönduna á diskum og kjúklingaleggjum raðað ofan á með jöfnu millibili.