Hrísgrjón með portobello- og kastaníusveppum

Hráefni

» 2 stk. portobello sveppir

» 250 g kastaníusveppir

» 2 stk. hvítlauksrif, söxuð (stór)

» 6 msk. steinselja, söxuð

» 100 g smjör

» 2 dl kjúklingasoð (vatn og Knorr-teningur)

» salt og svartur pipar úr kvörn

» Steikt hrísgrjón

» 250 g basmati hrísgrjón

» 4 msk. ólífuolía

» 1 stk. laukur

» 6 dl kjúklingasoð

» 2 dl rjómi

» salt og svartur pipar úr kvörn

Fyrir 4

Aðferð

Bræðið smjörið, bætið söxuðum hvítlauk og steinselju saman við. Leggið sveppina í eldfast mót og hellið smjörinu yfir. Kryddið með salti og pipar. Hellið kjúklingsoðinu yfir. Ofnbakið við 200°C í 15-20 mínútur. Ausið yfir sveppina á 5 mín. fresti.

Léttsteikið hrísgrjón og saxaðan lauk í olíu, brúnið ekki. Bætið soði og rjóma saman við og sjóðið undir loki við vægan hita í 20 mín. Hrærið í með sleif af og til. Skiptið hrísgrjónunum á diska, leggið portobello-sveppina ofan á grjónin en kastaníusveppina i kring. Hellið sveppasoðinu í kringum hrísgrjónin þegar rétturinn er borinn fram.

Kjúklingasoði hellt yfir sveppina í eldföstu móti.

Ekki gleyma að ausa soði yfir sveppina á meðan þeir eru eldaðir.