Grænar linsubaunir með beikoni og svínakjötsbitum

Hráefni

» 600 g grænar linsubaunir

» 2-3 stk. lárviðarlauf

» 1 tsk. salt

» 1 l vatn

» 600-800 g svínakjöt, t.d. gúllas

» 200 g beikon

» 12 stk. spergill, grænn

» 2 bakkar smámaís

» 12 stk. belgbaunir

» 6 stk. hvítlauksrif

» 6 msk. ólífuolía til steikingar

» 1-2 msk. smjör

» salt og svartur pipar úr kvörn

Fyrir 4

Aðferð

Sjóðið linsubaunirnar í léttsöltu vatni í 30 mínútur - setjið tvö lárviðarlauf út í suðuvatnið.

Skerið belgbaunir í grófa bita, saxið hvítlauksrif, kljúfið smámaís. Hitið ólífuolíuna og snöggsteikið beikon og svínakjötsbitana. Bætið grænmeti á pönnuna ásamt hvítlauk og steikið í 2-3 mínútur. Bætið síðan linsubaunum saman við, kryddið með salti og pipar og hitið vel í gegn. Að síðustu er 1-2 msk. af smjöri bætt á pönnuna.

Skiptið á diska eða berið fram í pönnunni.