Blandaðar baunir með hvítlaukssniglum

Hráefni

» 100 g kjúklingabaunir, útvatnaðar

» 100 g adukibaunir, útvatnaðar

» 1/2 dl ólífuolía

» 150 g smjör

» 5 msk. steinselja, söxuð

» 1 dl grænmetissoð (vatn og teningur)

» 1 dl mysa

» 2 stk. hvítlauksrif í sneiðum (stór)

» 2 stk. skalotlaukur

» salt og svartur pipar úr kvörn

» Hvítlaukssniglar

» 48 stk. hvítlaukssniglar í skel (12 í pakkningu)

Fyrir 4

Aðferð

Sjóðið baunirnar í léttsöltu vatni skv. töflu að neðan. Kælið í köldu, rennandi vatni.

Léttbrúnið smjörið á pönnu, bætið síðan ólífuolíu saman við. Snöggsteikið baunirnar ásamt söxuðum hvítlauk og skalotlauk. Stráið steinselju yfir. Bætið mysu og grænmetissoði saman við. Kryddið með salti og nýmöluðum pipar.

Bakið sniglana í 12 mín. við 200°C. Skiptið á diska og leggið 12 snigla á hvern disk.

augnbaunir í bleyti í 12 klst.

sjóðið í 1 klst.

kjúklingabaunir í bleyti í 12 klst.

sjóðið í 1 klst.

adukibaunir í bleyti í 12 klst.

sjóðið í 1 klst.

smjörbaunir í bleyti í 12 klst.

sjóðið í 1-1/2 klst.