Kúskús með grænmetisteningum

Hráefni

» 250 g kúskús

» 1/2 l grænmetissoð, sjóðandi heitt (1 Knorr-teningur og vatn)

» Steiktir grænmetisteningar

» 2 stk. kúrbítur (zucchini)

» 2 stk. paprika, blandaðir litir

» 1 stk. eggaldin

» 3 msk. hvítlaukur, saxaður

» 3 msk. basil, ferskt

» 1 dl grænmetissoð

» 4 dl tómatar, niðursoðnir

» 1 dl ólífuolía til steikingar

» salt og pipar úr kvörn

Fyrir 4

Aðferð

Hellið sjóðandi heitu grænmetissoði yfir kúskús í skál og hrærið í annað slagið í 12 mínútur. Skiptið í háa hrauka á diskum svo hægt sé að raða grænmeti í kringum.

Saxið grænmetið og snöggsteikið í olíunni, bætið kryddi, soði og niðursoðnum tómötum saman við. Sjóðið við vægan hita í 5-7 mínútur. Bragðbætið með salti og pipar. Setjið nokkrar skeiðar í kringum kúskús hraukana.

Gott er að bera djúpsteikt basil fram með þessum rétti. Þá eru 2-3 ferskar basilgreinar djúpsteiktar í heitri olíu. Látið drjúpa af þeim á handþurrku eða stykki og leggið ofan á réttinn þegar hann er borinn fram.