Smjörbaunir með ítalskri sósu

Hráefni

» 1/2 stk. seljurót

» 1/2 stk. bufflaukur

» 1 stk. paprika, rauð (eða blanda af fleiri litum)

» 1/2 stk. fennikka

» 4 stk. vorlaukar

» 1 stk. gulrót

» 1 stk. grænmetisteningur (Knorr)

» 1/2 l vatn

» 4-5 msk. tómatmauk (puré)

» 1/2 dós niðursoðnir tómatar (200 g)

» 4 stk. lárviðarlauf

» 4 msk. pestó, grænt

» 1/2 -1 dl ólífuolía

» Meðlæti

» 250 g smjörbaunir (útvatnaðar í 12 klst., soðnar í 1-1/2 klst.)

» 1 stk. rauðlaukur

» 4 stk. hvítlauksrif

» 6 msk. parmesanostur

» 3-4 msk. ólífuolía til steikingar

» olía til djúpsteikingar

Fyrir 6

Aðferð

Skerið grænmetið í strimla og teninga. Brúnið síðan í ólífuolíu. Bætið vatni, grænmetiskrafti, tómatmauki, niðursoðnum tómötum, pestó og lárviðarlaufum saman við. Látið sjóða við vægan hita í 25 mín. og færið þá í eldfast mót til að bera fram í.

Snöggsteikið baunirnar með öðru, kryddið með salti og pipar úr kvörn. Setjið ofan á réttinn í fatinu, stráið parmesanosti yfir. Stingið undir grillið í ofninum þar til osturinn fær gullinn lit. Gott er að láta fatið standa í 10 mín. áður en rétturinn er borinn fram.

Ekkert mælir gegn því að nota fleiri tegundir af baunum, 2-4 teg. eða jafnvel fleiri. Þá er gott að djúpsteikja 2-3 risahvítlauksrif í strimlum og setja ofan á réttinn þegar hann er borinn fram. Risahvítlaukurinn er bragðminni en sá venjulegi, gefur minni keim - og finnst síður á andardrætti fólks!