Reyktur kinnfiskur með gráðaostasósu

Hráefni

» 16 stk. reyktur kinnfiskur

» 4 stk. vorlaukur

» Gráðaostasósa

» 2 stk. risahvítlauksrif

» 1 stk. laukur

» 200 g sveppir

» 3-4 msk. ólífuolía

» 1 dl hvítvín, óáfengt

» 1 dl kjúklingasoð (vatn og Knorr-teningur)

» 100 g gráðaostur

» 3 dl rjómi

Fyrir 4

Aðferð

Skerið hvítlauk og sveppi í sneiðar, lauk í strimla. Léttsteikið í olíunni. Bætið hvítvíni og kjúklingasoði saman við, sjóðið niður um helming. Bætið þá rjóma og gráðaosti á pönnuna. Þegar sósan fer að þykkna er kinnfisknum bætt út í og soðið áfram við vægan hita í 4-5 mínútur. Vorlaukurinn soðinn í léttsöltu vatni í 2-3 mín. og settur ofan á fiskinn þegar rétturinn er borinn fram.

Gróft brauð hentar vel með þessum skemmtilega rétti.