Risarækjur og smokkfiskur með papriku- og kóríandersósu

Hráefni

» 12 stk. risarækjur

» 1 stk. smokkfiskur (heill bolur)

» 4 stk. belgbaunir

» 1 bakki baunaspírur

» 3 msk. ólífuolía

» salt og pipar úr kvörn

» Papriku- og kóríandersósa

» 2 msk. chilisósa

» 1 stk. kjúklingteningur (Knorr)

» 1 stk. paprika, rauð

» 1 msk. engifer, ferskur

» 2 dl sojasósa, sæt

» 3 msk. tómatsósa

» 4 msk. kóríanderlauf, söxuð

Fyrir 4

Aðferð

Kljúfið smokkfiskinn eftir endilöngu, fletjið út og hreinsið. Skerið í hann grunnar rákir þvers og kruss, síðan í 1 cm. breiða strimla langsum. Brúnið í snarpheitri olíu, bætið þá risarækjum, belgbaunum og baunaspírum saman við og steikið í 1-2 mínútur. Bragðbætið með salti og pipar. Borið fram með papriku- og kóríandersósu.

Byrjið á að baka papriku í 200°C heitum ofni þar til að húðin byrjar að brenna. Þá er paprikan flysjuð og kjarninn fjarlægður úr henni. Maukið síðan paprikuna ásamt öðru hráefni (nema kóríanderlaufum), setjið í pott og sjóðið við vægan hita í 10 mínútur. Fleytið ofan af sósunni og bætið kóríanderlaufunum saman við.

Berið fram með grófu brauði.