Kjúklinga- og grænmetissúpa með pestó og fennikkufræjum

Hráefni

» 1 stk. rauðlaukur

» 1 stk. gulrót, meðalstór

» 1/2 stk. seljurót

» 8 stk. hvítlaukrif

» 1 stk. kúrbítur (zucchini)

» 2 stk. paprika, t.d. rauð og græn

» 1/2 dl ólífuolía til steikingar

» 4 msk. tómatmauk (puré)

» 400 g tómatar, niðursoðnir

» 4 stk. lárviðarlauf

» 4 msk. fennikkufræ

» 1 msk. timian

» 1 dl pesto

» 2 stk. kjúklingateningar (Knorr)

» 1 l vatn

» 400 g kjúklingabringur

» 4 msk. ólífuolía til steikingar

Fyrir 4 - 6

Aðferð

Skerið grænmetið í teninga, léttbrúnið á pönnu (í skömmtum ef þarf), bragðbætið með salti og pipar. Snöggsteikið kjúklingakjötið og bragðbætið með salti og pipar. Skerið það svo í teninga og bætið út í súpuna ásamt öðrum efnum. Sjóðið við hæga suðu í 30 mínútur. Fleytið ofan af súpunni meðan á suðunni stendur og látið hana svo standa í 5-10 mín. áður en hún er borin fram.

Berið gjarnan fram með grófu brauði. Með því að auka örlítið við uppskriftina getur þetta sem best verið prýðilegur aðalréttur.