Reykt laxarúlla með myntu- og agúrkusósu

Hráefni

» 500-600 g reyktur lax í sneiðum (2-3 sneiðar á mann)

» Ostafylling

» 200 g rjómaostur

» 1-2 msk. mjólk

» 14 stk. myntulauf

» salt og pipar

» plastfilma og álpappír

» Agúrkusósa

» 1 stk. agúrka

» 20 stk. myntulauf

» 6 msk. graslaukur

» 1 stk. kjúklingateningur (Knorr)

» 100 g rækjur

» 1 msk. sítrónusafi

» salt og pipar

Fyrir 4

Aðferð

Leggið laxasneiðarnar á plastfilmu. Smyrjið ostafyllingunni ofan á, rúllið upp og pakkið inn í álpappír. Geymið í kæli í 5-6 klst. Skerið þá af endunum, flettið upp og setjið á diska. Berið fram með agúrkusósunni.

Hrærið vel saman (eða maukið) rjómaost, mjólk og myntulauf. Smyrjið á laxasneiðarnar.

Flysjið agúrkuna og fjarlægið kjarnann. Blandið öllu saman í matvinnsluvél og maukið. Berið fram með laxasneiðunum.

Berið fram með ristuðu brauði. Þessar rúllur henta einnig vel í kalt borð.

Sneiðar af reyktum laxi lagðar á plastfilmu.

Ostinum smurt á sneiðarnar.

Rúllið upp ...

... og vefjið síðan inn í álpappír. Kælið.