Sniglabökur með hvítlauksmauki

Hráefni

» 400 g smjördeig, skipt í fernt

» útstungujárn 8 cm og form

» olía til að smyrja formin að innan

» Kjúklingafars

» 100 g kjúklingabringa

» 1 stk. eggjahvíta

» 1 dl rjómi

» Sniglafylling

» 24 stk. sniglar

» 1 stk. laukur

» 100 g spínat, ferskt eða frosið

» 6 stk. hvítlauksrif

» 3-4 msk. ólífuolía til steikingar

» salt og svartur pipar úr kvörn

» 60 g mozzarellaostur (1/2 bréf)

» Hvítlauksmauk

» 12 stk. hvítlauksrif

» 1 stk. laukur

» 3 msk. ólífuolía

» 4 dl kjúklingasoð (vatn og 1 Knorr-teningur)

» 1 dl hvítvín, óáfengt

» 5 dl rjómi

» 50 g smjör

» 4-5 msk. steinselja, fersk, söxuð

Fyrir 4

Aðferð

Smjördeigið flatt út um helming á breiddina (fæst í 400 g pakkningum), stungið út með 8 cm. útstungujárni og sett í smurð formin. Hálffyllið með kjúklingafarsinu og fyllið síðan með sniglum og sniglafyllingunni. Bakið við 180°C í 30 mínútur. Berið fram með sósunni.

Maukið kjúklingakjötið í matvinnsluvél ásamt eggjahvítu. Bætið rjóma saman við ásamt salti og pipar. Þeytið þar til farsið fer að þykkna.

Saxið lauk, spínat og hvítlauk. Brúnið á pönnu, bragðbætið með salti og pipar. Setjið tvo heila snigla í hvert smjördeigsform og hellið fyllingunni yfir. Setjið rifinn mozzarellaost yfir og bakið.

Léttsteikið laukinn í olíu, brúnið ekki. Bætið hvítlauk, hvítvíni og kjúklingasoði saman við. Sjóðið niður um helming, bætið þá rjómanum út í og sjóðið þar til sósan hefur þykknað. Bragðbætið með salti og pipar. Maukið vandlega í matvinnsluvél ásamt smjöri og saxaðri steinselju. Hellið yfir heitar bökurnar.

Smjördeigið stungið út.

Deigið sett í smurt form.

Hálffyllið með kjúklingafarsi.

Hér má sjá allt ferlið.