Skelfiskur og smokkfiskur með appelsínu- og stjörnuaníssósu

Hráefni

» 16 stk. humarhalar, skelflettir

» 12 stk. risarækjur

» 16 stk. hörpuskelfiskur

» 200 g smokkfiskur

» 100 g sykurbaunir

» 4 msk. ólífuolía

» Appelsínu- og stjörnuaníssósa

» 1 dl sykur

» 1/2 vatn

» börkur af 1 appelsínu

» 3 dl appelsínuþykkni

» 1 stk. kjúklingateningur (Knorr)

» 12-15 stk. stjörnuanís

» 1 msk. Worschestershiresósa

Fyrir 4

Aðferð

Skerið smokkfiskinn þvert (í hringi). Þerrið smokkfisk og skelfisk. Brúnið á vel heitri pönnu, setjið sykurbaunirnar saman við, bragðbætið með salti og pipar. Skiptið á diska og hellið heitri sósunni yfir.

Setjið vatn, sykur og stjörnuanís í pott, sjóðið þar til verður að karamellu. Bætið kjúklingatening, appelsínuþykkni, appelsínuberki og Worcherstershiresósu saman við og sjóðið áfram við vægan hita þar til sósan þykknar á ný.