Lax og hörpuskel - samleikur á vanillusósu

Hráefni

» 300 g laxaflök, roðflett og beinlaus, skorin í þunnar sneiðar, 12-14 cm. langar

» 12 stk. hörpuskelfiskur

» 12 stk. tannstönglar

» 1/2 stk. blaðlaukur í strimlum

» olía til djúpsteikingar

» Vanillusósa

» 1 stk. laukur

» 3 msk. ólífuolía

» 1 dl hvítvín, óáfengt

» 1 dl kjúklingasoð (vatn og Knorr-teningur)

» 2 stk. vanillustangir

» 4 dl rjómi

» 50 g smjör

Fyrir 4

Aðferð

Skerið blaðlaukinn í strimla, djúpsteikið í olíu og leggið á þurrt stykki svo drjúpi af.

Vefjið laxasneiðunum utan um skelfiskbitana, festið með tannstöngli. Snöggsteikið í olíu, bragðbætið með salti og pipar. Tannstöngullinn fjarlægður og fiskurinn settur á diska. Leggið djúpsteiktan blaðlauk yfir stykkin og berið fram með vanillusósunni.

Saxið laukinn og léttsteikið í olíu, bætið hvítvíni og kjúklingasoði á pönnuna og sjóðið niður um 3/4. Bætið þá rjóma saman við og skafið vanillustangirnar yfir. Sjóðið þar til rjóminn þykknar, pískið þá bráðnu smjörinu saman við og bragðbætið með salti ef þurfa þykir.

Berið fram með ristuðu brauði og smjöri.

Flakið roðflett ...

... beinhreinsað með lítilli töng.

Skerið í þunnar sneiðar eftir endilöngu ...

... og vefjið utan um hörpuskelina.