Smálúða með marjoram

Hráefni

» 800 g smálúða, beinlaus og roðflett, í 200 g stykkjum

» 3 msk. matarolía til steikingar

» salt og pipar

» Sósa og meðlæti

» 300 g eggaldin

» 300 g kúrbítur (zucchini)

» 4 msk. marjoram, ferskt, saxað

» 1 dl hvítvín, óáfengt

» 2 msk. sítrónusafi

» 1-1/2 dl kjúklingsoð (vatn og teningur/kraftur)

» 1 peli rjómi

» 3 tsk. sinnep

» salt og pipar

Fyrir 4

Aðferð

Smálúðan pönnusteikt í heitri olíu, bragðbætt með salti og pipar. Ofnbakið síðan við 200°C í 6-8 mín. Borið fram með sósu og meðlæti.

Sneiðið eggaldin og kúrbít eftir endilöngu (t.d. með ostaskera). Krydd, hvítvín, sítrónusafi og kjúklingasoð sett á pönnu, soðið niður um helming. Bætið þá eggaldini, kúrbít og rjóma saman við, suðan látin koma upp. Þá er sinnepinu bætt út í, það þykkir sósuna. Bragðbætið með salti og pipar ef þurfa þykir.

Með þessu hentar vel að bera fram soðið pasta (um 200 g) að eigin vali.

Flakið roðflett og snyrt.

Flakið brotið saman.