Gufusoðin smálúða með perum og engifer

Hráefni

» 800 g smálúðuflök, beinlaus og roðflett, í 200 g stykkjum

» 2 dl vatn

» 1 tsk. salt

» 1 msk. sítrónusafi

» Sósa og meðlæti

» 3 msk. sólblómaolía

» 3 stk. perur

» 4 msk. rúsínur

» 200 g sykurbaunir

» 2 msk. engifer, nýr, saxaður

» 1 dl hvítvín, óáfengt

» 3 dl kjúklingasoð (vatn og teningur/kraftur)

» 100 g smjör

» Steiktar furuhnetur

» 8 msk. furuhnetur

» 1 msk. olía til steikingar

Fyrir 4

Aðferð

Gufusjóðið smálúðustykkin í léttsöltu sítrónuvatni í 6-7 mínútur. Setjið á diska. Berið fram með sósu og meðlæti ásamt steiktum furuhnetum.

Flysjið perurnar og fjarlægið kjarnann. Skerið í litla báta. Hitið olíu á pönnu og snöggsteikið perur, rúsínur, sykurbaunir og engifer. Bætið hvítvíni og kjúklingasoði út í og sjóðið í 2-3 mínútur. Að síðustu fer smjörklípan í.

Steikið furuhneturnar í sólblómaolíu í 2-3 mínútur og stráið yfir fiskinn þegar hann er borinn fram.

Einnig má bera fram soðnar kartöflur, smáar, 3-4 stk. á mann.

Gufusjóðið flökin undir loki.