Smálúða með estragonsósu

Hráefni

» 800 g smálúða, beinlaus og roðflett, í 200 g stykkjum

» 3 msk. matarolía

» Sósa og meðlæti

» 1 dl hvítvín, óáfengt

» 1 dl kjúklingasoð (vatn og teningur/kraftur)

» 3 msk. estragon, ferskt, saxað

» 3 dl rjómi

» 2 msk. smjör

» 200 g strengjabaunir

» 1 haus spergilkál

» 250 g humar, skelflettur

» salt og pipar

Fyrir 4

Aðferð

Snöggsteikið smálúðuna í heitri olíu, bragðbætið með salti og pipar. Bakið í ofni við 200°C í 6-8 mínútur. Berið fram með sósu og meðlæti.

Sjóðið strengjabaunir og spergilkál í 3 mínútur í léttsöltu vatni. Leggið til hliðar. Hellið hvítvíni og kjúklingasoði á pönnuna, bætið grænmeti og kryddi saman við og sjóðið niður um helming. Þá er rjómanum bætt út í og soðið þar til sósan þykknar. Humarinn settur út í og látin sjóða í 2-3 mín. Smjörinu bætt út í síðustu mínútuna. Bragðbætt með salti og pipar ef þurfa þykir. Setjið sósu undir og yfir smálúðustykkin.

Soðin, hvít hrísgrjón henta vel með þessum rétti. Áætlið 200250 g fyrir fjóra.