Gufusoðin smálúða með mangó og sykurbaunum

Hráefni

» 800 g smálúða, beinlaus og roðflett, í 200 g stykkjum

» 2 dl vatn

» 1 tsk. salt

» 1 msk. sítrónusafi

» Mangó- og sykurbaunameðlæti

» 2-3 stk. mangó, ekki of þroskuð, skorin í strimla, flysjuð

» 250 g sykurbaunir, skornar í strimla

» 3 msk. sólblómaolía

» 1 dl soja, sæt

» 3 dl kjúklingasoð (vatn og teningur/kraftur)

» 3 msk. apríkósumarmelaði

» 2 msk. maizenamjöl

» salt og pipar

» 2 msk. smjör

Fyrir 4

Aðferð

Sjóðið 2 dl af vatni með sítrónusafa og salti. Gufusjóðið smálúðustykkin í 6-7 mín. Berið fram með mangó- og sykurbaunameðlætinu og soðnum hrísgrjónum, ef vill.

Hitið olíu á pönnu, léttsteikið mangó og sykurbaunir í strimlum. Veltið um í mínútu eða svo. Bætið í kjúklingasoði, soja og apríkósumarmelaði. Sjóðið í aðra mínútu, þykkið með maizenamjöli. Bætið smjörinu saman við undir lokin. Bragðbætið með salti og pipar ef þurfa þykir.

Soðin, hvít hrísgrjón henta vel með þessu. Sjóðið 200-250 g í

15-20 mínútur.