Pönnusteikt smálúða með hvítlaukssniglum

Hráefni

» 800 g smálúða í stykkjum, beinlaus og roðflett

» 3 msk. matarolía

» salt og pipar

» Meðlæti

» 24 stk. sniglar

» 10 stk. hvítlauksrif

» 100 g smjör

» 6 msk. steinselja, söxuð

» 3-4 stk. gulrætur

» 8 stk. skalotlaukur

» 10 stk. vorlaukur

» 30 stk. ólífur, grænar

» 5 dl kjúklingasoð (vatn og 1 Knorr-teningur)

» 1 dl hvítvín, óáfengt

» 4 msk. maizenamjöl eða sósujafnari

Fyrir 4

Aðferð

Snöggsteikið smálúðustykkin á pönnu, bragðbætið með salti og pipar og stingið í 200°C heitan ofn í 6-8 mín. Berið fram með snigla-, hvítlauks- og grænmetisblöndunni.

Skerið grænmetið í fína strimla. Bræðið smjörið á pönnu, bætið hvítlauk og sniglum út á og síðan steinselju og grænmeti. Kjúklingasoði og hvítvíni hellt yfir, látið suðuna koma upp og sjóðið í 2 mínútur. Þykkið með maizenamjöli eða sósujafnara.

Berið fram með soðnum, smáum kartöflum. Áætlið 3-4 stk. á mann.