Sítrónusoðin smálúða með grænmeti

Hráefni

» 800 g smálúða í bitum, roðflett og beinlaus

» 2 dl vatn

» 1 tsk. salt

» 1 msk. sítrónusafi

» Meðlæti og sósa

» 1 bakki smámaís

» 12 stk. vorlaukar

» 2 stk. paprika, græn og rauð

» 4-5 stk. sellerí stilkar

» 1-2 stk. gulrætur

» 3 msk. ólífuolía

» 1 tsk. rósmarín

» 4 dl kjúklingasoð

» 1/2 dl sítrónusafi

» 4 msk. maizenamjöl eða sósujafnari

Fyrir 4

Aðferð

Sjóðið 2 dl af vatni með salti og sítrónusafa. Gufusjóðið smálúðubitana í 6-7 mín. Skiptið á diska og berið fram með meðlæti og sósu.

Hreinsið vorlaukinn, sneiðið og skerið annað grænmeti í teninga, smámaísinn í strimla. Léttsteikið í olíunni. Bætið sítrónusafa og kjúklingasoði saman við ásamt rósmarín. Látið suðuna koma upp, þykkið með maizenamjöli eða sósujafnara. Sjóðið áfram í 1-2 mínútur.

Berið fram með soðnum, smáum kartöflum. Áætlið 3-4 stk. á mann.